Miklar væntingar voru hjá FH fyrir tímabilið en liðið hefur aðeins fimm af fjórtán leikjum sínum.

„Það er eitthvað meira en lítið að þarna virðist vera. Það kom smá gleðihristingur þegar Óli Jó mætti og það eru ekkert eðlilega góðir leikmenn þarna margir hverjir. Þetta meikar engan sens. Þarna kemur samt spurningin um hversu góðir þessir menn séu árið 2021," segir Tómas Þór Þórðarson.

„Það sem er að gerast þarna í núinu er í meira lagi lélegt, miðað við hvað þessir menn heita og hvað þeir eru væntanlega að fá borgað fyrir að spila fótbolta. Eitthvað kostar þetta allt saman."

„Þetta er ríkjandi silfurlið í deildinni en þeim hefur verið pakkað saman trekk í trekk af alls konar liðum. Taktístk hafa þeir verið útþjálfaðir og hlaupið yfir þá í 90 mínútur. Varnarleikurinn í þessum leik... guð minn góður! Sem heild voru þeir skelfilegir," segir Tómas.

Ólafur Jóhannesson tók við stjórn FH í sumar en samdi bara út tímabilið en miðað við ástandið í Kaplakrika telur Tómas að Ólafur sé ansi ánægður með að hafa ekki bundið sig lengur.

„Ég held að hann sé nokkuð feginn að hafa bara gert samning út tímabilið. Hann þarf einhver vel almennileg loforð um framhaldið, hvað á að gera," segir Tómas í Innkastinu. Í þættinum er einnig talað um að lið hræðist ekki lengur að mæta í Kaplakrika en hægt er að hlusta á þáttinn í spilaranum hér að neðan eða í hlaðvarpsforritum.