Sky Sports greinir frá því að Barcelona sé búið að ræða við teymi Sergio Agüero.
Agüero á 33 ára afmæli í sumar og nokkrum vikum síðar verður hann samningslaus.
Mörg félög hafa áhuga á argentínsku markavélinni og eru Börsungar þar efstir á lista.
Agüero býr yfir fimm ára reynslu úr La Liga eftir dvöl sína hjá Atletico Madrid, þar sem hann skoraði 74 mörk í 175 deildarleikjum.
Agüero hefur raðað inn mörkunum allan ferilinn og er væntanlega ekki að fara að hætta því núna. Lionel Messi, samherji hans í argentínska landsliðinu, vill ólmur fá Agüero til Barca. Það flækir málið aðeins að Messi verður samningslaus í sumar og er talinn vilja halda á ný mið.
Athugasemdir