De Bruyne og Grealish til Napoli? - Rodrygo og Frimpong til Liverpool - Al Hilal vill tvo frá Liverpool - Tveir orðaðir frá Newcastle
   lau 06. júlí 2024 16:40
Jóhann Þór Hólmgrímsson
Eggert Aron kom inn á og innsiglaði sigur Elfsborg
Mynd: Elfsborg

Eggert Aron Guðmundsson leikmaður Elfsborg var ekki lengi að láta til sín taka þegar hann kom inn á sem varamaður í sigri liðsins í dag.


Elfsborg fékk Brommapojkarna í heimsókn í efstu deild í Svíþjóð í dag en Eggert Aron byrjaði á bekknum en Andri Fannar Baldursson var ónotaður varamaður.

Eggert kom inn á 85. mínútu og tveimur mínútum síðar skoraði hann laglegt mark og innsiglaði þar með 3-0 sigur liðsins. Hlynur Freyr Karlsson gekk til liðs við Brommapojkarna á dögunum frá Haugesund en hann var ekki í leikmannahópi liðsins í dag.

Elfsborg er í 7. sæti deildarinnar með 19 stig eftir 14 umferðir. Brommapojkarna er með 15 stig í 11. sæti en liðið hefur spilað 13 leiki.


Athugasemdir
banner
banner