Rúnar Páll Sigmundsson og Ólafur Jóhannesson verða saman aðalþjálfarar Stjörnunnar en þetta var tilkynnt í dag.

Fjalar Þorgeirsson var markmanns og aðstoðarþjálfari Stjörnunnar á síðasta tímabili og Veigar Páll Gunnarsson var einnig aðstoðarþjálfari. Þeir verða ekki áfram í þjálfarateyminu.

Markmannsþjálfaramálin hjá Stjörnunni eru í skoðun en samkvæmt heimildum Fótbolta.net er möguleiki á að Rajko Stanisic taki við starfinu. Rajko hefur undanfarin ár starfað hjá Val.