Kit Carson fékk þrettán kærur á sig fyrir að misnota ellefu stráka kynferðislega á tíma sínum sem yfirmaður akademíunnar hjá Peterborough á tíunda áratugnum.
Dómsmeðferðin átti að hefjast í gærmorgun en Carson mætti aldrei í dómssal. Hann fannst látinn í bifreið sinni eftir að hann hafði keyrt á tré á miklum hraða.
Lögreglan byrjaði að rannsaka málið en hefur hætt rannsókn sinni þar sem nokkuð augljóst þykir að Carson hafi framið sjálfsmorð.
Carson starfaði hjá Peterborough frá 1993 til 2001 en fyrir það var hann hjá Norwich í áratug.
Nokkrir strákar sem komu upp úr unglingastarfi Norwich og Peterborough urðu úrvalsdeildarstjörnur.
Athugasemdir