Þróttur tóku á móti toppliði Njarðvíkinga þegar 3.umferð Lengjudeildarinnar hóf göngu sína í dag. Leikurinn fór fram á Avis vellinum í Laugardalnum.
Lestu um leikinn: Þróttur R. 0 - 1 Njarðvík
„Gríðarlega svekktur. Þetta var ekki verðskuldað tap. Ég held að það sé óhætt að segja það." Sagði Sigurvin Ólafsson svekktur eftir tapið í dag.
„Við þjörmuðum að þeim. Fyrri hálfleikurinn var svona nokkurnveginn jafn, gekk fram og tilbaka en í seinni hálfleik fannst mér við vera á leiðinni að taka stigin þrjú. Svo bara eitt móment, ein skyndisókn frá þeim 1-0 og við náðum ekki að svara því."
„Frammistaðan er alveg í góðu lagi. Njarðvík eru mjög gott lið og búnir að spila mjög vel og búnir að vinna leikina tvo þar á undan og voru heitir. Mér fannst við vera með yfirhöndina hérna í seinni hálfleik þannig ég get svo sem ekkert kvartað yfir frammistöðunni hér í dag frá strákunum, þeir lögðu allt í þetta. Mjög sárt að fá þessa tusku í andlitið á 85. eða hvað það var."
Stuttu fyrir mark Njarðvíkinga gerðu Þróttarar tilkall til þess að fá vítaspyrnu þegar Sigurður Steinar Björnsson féll í teignum.
„Ég er meira að segja búin að sjá þetta aftur og mér fannst þetta bara pjúra víti. Dapurlegt að dómarinn hafi ekki verið sammála því."
Nánar er rætt við Sigurvin Ólafsson í spilaranum hér fyrir ofan.
| Lið | L | U | J | T | Mörk | mun | Stig |
|---|---|---|---|---|---|---|---|
| 1. Fjölnir | 14 | 9 | 4 | 1 | 28 - 14 | +14 | 31 |
| 2. Njarðvík | 14 | 7 | 4 | 3 | 26 - 18 | +8 | 25 |
| 3. ÍBV | 13 | 6 | 4 | 3 | 25 - 15 | +10 | 22 |
| 4. ÍR | 14 | 6 | 4 | 4 | 20 - 18 | +2 | 22 |
| 5. Keflavík | 14 | 5 | 6 | 3 | 20 - 15 | +5 | 21 |
| 6. Þróttur R. | 14 | 5 | 4 | 5 | 22 - 19 | +3 | 19 |
| 7. Þór | 13 | 4 | 5 | 4 | 21 - 19 | +2 | 17 |
| 8. Grindavík | 14 | 4 | 5 | 5 | 22 - 27 | -5 | 17 |
| 9. Afturelding | 14 | 5 | 2 | 7 | 21 - 29 | -8 | 17 |
| 10. Grótta | 14 | 3 | 4 | 7 | 22 - 33 | -11 | 13 |
| 11. Leiknir R. | 14 | 4 | 0 | 10 | 15 - 24 | -9 | 12 |
| 12. Dalvík/Reynir | 14 | 1 | 6 | 7 | 13 - 24 | -11 | 9 |
