Breiðablik sigraði Fram 4-3 í Lengjubikarnum í dag en liðin áttust við í Fífunni.

Finnur Orri Margeirsson fyrirliði Blika skoraði tvívegis í leiknum en hann hefur á ferli sínum leikið 139 leiki í deild og bikar án þess að ná að skora.

Breiðablik er eftir sigurinn með sjö stig á toppi A-riðils ásamt ÍA og Keflavík.

Framarar hafa aftur á móti tapað þremur leikjum í röð og eru með þrjú stig eftir fjóra leiki.