Ítalía: Aftur vann Lazio lærisveina Conte - Empoli skoraði fjögur

Rómarliðið kastaði Napoli út úr bikarnum á dögunum og fylgdi því vel á eftir með naumum sigri í Napolí.

Danski sóknarmaðurinn Gustav Isaksen skoraði eina mark leiksins á 79, mínútu með frábæru skoti úr teignum. Þetta var annað mark hans í deildinni á tímabilinu.

Lazio er með 31 stig í 5. sæti en Napoli missti af gullnu tækifæri til þess að komast aftur á toppinn. Liðið er nú með 32 stig í öðru sæti, tveimur stigum á eftir Atalanta.

Sebastiano Esposito skoraði tvö mörk á þremur mínútum í 4-1 sigri Empoli á Verona og þá gerðu Venezia og Como 2-2 jafntefli í Feneyjum.

Mikael Egill Ellertsson kom inn af bekknum hjá Venezia á 64. mínútu leiksins en BJarki Steinn Bjarkason var ónotaður varamaður. Venezia er áfram í neðsta sæti deildarinnar með 9 stig.

Úrslit og markaskorarar:

Verona 1 - 4 Empoli
0-1 Sebastiano Esposito ('16 )
0-2 Sebastiano Esposito ('19 )
0-3 Liberato Cacace ('32 )
1-3 Casper Tengstedt ('35 )
1-4 Lorenzo Colombo ('42 )

Napoli 0 - 1 Lazio
0-1 Gustav Isaksen ('79 )

Venezia 2 - 2 Como
1-0 Joel Pohjanpalo ('17 )
1-1 Antonio Candela ('50 , sjálfsmark)
1-2 Andrea Belotti ('57 )
2-2 Gaetano Oristanio ('70 )