Ástbjörn Þórðarson
Ástbjörn Þórðarson var að öðrum ólöstuðum maður leiksins þegar Keflavík lagði Stjörnuna 2-0 suður með sjó. Afrakstur kvöldsins hjá Ástbirni er góð stoðsending á Kian Williams auk fjölmargra sigraðra einvígja út um allann völl. Ástbjörn mætti í viðtal til fréttaritara að leik loknum.
Lestu um leikinn: Keflavík 2 - 0 Stjarnan
„Þetta var sætur sigur. Þetta var algjör liðssigur og karakter og var bara geggjað.“
Það segir ýmislegt um yfirferð Ástbjörns í leiknum að fréttaritari hélt að hann hefði byrjað í hægri bakverði en verið færður upp á hægri kantinn þegar líða fór á fyrri hálfleikinn en hann dúkkaði upp á ólíklegustu stöðum á vellinum og þá yfirleitt til að vinna boltann í góðum leikstöðum.
„Ég ætlaði bara að vinna þennan leik. Það kom ekkert annað til greina fyrir mig. Ég ætlaði ekki að fá á mig mark og ætlaði að hlaupa allann leikinn og gera allt til þess að vinna.“
Ástbjörn sem lék með fallliði Gróttu í Pepsi Max deildinni í fyrra þekkir deildina ágætlega, Hver finnst honum vera munurinn á liði Kefavíkur í ár á móti Gróttuliðinu í fyrra?
„Það er erfitt að segja en ég held að þetta lið sé tilbúnara fyrir þessa deild og það er bara ýmislegt á bakvið það sem mér finnst vera betra hérna. “
Sagði Ástbjörn en allt viðtalið má sjá í spilarnum hér að ofan.
Athugasemdir
