Það eru tveir leikir á dagskrá í úrslitum Þjóðadeildarinnar í dag. England mætir Sviss í bronsleiknum og heimamenn í Portúgal spila við Holland í úrslitaleiknum.
Portúgal lagði Sviss að velli í undanúrslitum eftir að hafa unnið riðilinn sinn sem innihélt einnig Pólland og Ítalíu.
Holland hafði betur gegn Þýskalandi og Frakklandi í riðlinum og lagði England í undanúrslitum. Frábær árangur hjá nýrri kynslóð Hollendinga.
Liðin hafa mæst fimm sinnum í keppnisleikjum á þessari öld og hafa Portúgalir unnið fjórum sinnum og einu sinni endaði með jafntefli. Hollendingar hafa aftur á móti unnið einn æfingaleik gegn Portúgal og gert tvö jafntefli.
Liðin mættust síðast í æfingaleik í mars í fyrra og vann Holland 0-3. Þar áður mættust liðin í æfingaleik 2013 og keppnisleik á EM 2012.
Sigurvegarinn vinnur sér inn sæti á EM 2020. Báðir leikir verða sýndir á Stöð 2 Sport.
Bronsleikur:
13:00 Sviss - England (Stöð 2 Sport)
Úrslitaleikur:
18:45 Portúgal - Holland (Stöð 2 Sport)
Athugasemdir
