Heldur áfram að spila líka
Jermain Defoe hefur skrifað undir eins árs framlengingu á samningi sínum við Rangers í Skotlandi.
Samningurinn felur það í sér að Defoe mun koma inn í þjálfaralið Steven Gerrard. Hann verður bæði leikmaður og hluti af þjálfarateyminu.
Defoe, sem er 38 ára gamall, ætlar ekki að leggja skóna upp á hillu strax.
Defoe gekk í raðir Rangers árið 2019 og hann er glaður að fá tækifæri til að stíga sín fyrstu skref í þjálfun hjá félaginu.
Rangers varð skoskur meistari á síðustu leiktíð undir stjórn Gerrard. Defoe skoraði sjö mörk í 20 keppnisleikjum á síðustu leiktíð.
Athugasemdir