Ange Postecoglou.
Nottingham Forest hefur tilkynnt það að Ange Postecoglou sé tekinn sem nýr stjóri liðsins.
Hann tekur við starfinu af Nuno Espirito Santo sem var látinn fara seint í gærkvöldi. Nuno náði mögnuðum árangri með Forest en lenti upp á kant við Evangelos Marinakis, eiganda félagsins, og Edu Gaspar, sem er nýr yfirmaður fótboltamála hjá félaginu.
Hann tekur við starfinu af Nuno Espirito Santo sem var látinn fara seint í gærkvöldi. Nuno náði mögnuðum árangri með Forest en lenti upp á kant við Evangelos Marinakis, eiganda félagsins, og Edu Gaspar, sem er nýr yfirmaður fótboltamála hjá félaginu.
Postecoglou var efsti maður á blaði hjá Forest og hefur núna verið ráðinn. Hann á rætur að rekja til Grikklands en Marinakis, eigandi Forest, er auðvitað frá Grikklandi.
Postecoglou var látinn taka poka sinn hjá Tottenham í vor eftir að hafa gert Tottenham að Evrópudeildarmeisturum og um leið tryggt Meistaradeildarsæti á þessari leiktíð. Þar áður stýrði hann Celtic í Skotlandi.
Marinakis fagnar ráðningunni á Postecoglou og segir að hann sé frábær einstaklingur til að leiða vegferðina áfram.
Athugasemdir
