Aðalsteinn Jóhann Friðriksson þjálfari bæði kvenna- og karlaliðs Völsungs segir ákveðna klikkun að stýra liðinu í bæði kvenna- og karlaflokki. Völsungur tryggði sér öruggt sæti í Lengjudeild karla síðastliðna helgi.
„Ég fagnaði auðvitað með strákunum í Árbænum og heimferðin var skemmtileg. Svo er mitt hlutverk að þjálfa kvennaliðið líka þannig að ég var undir stýri á leiðinni heim og stýrði stelpunum svo á sunnudeginum. Ég er rólegri í þessu og fagna kannski betur seinna,“ segir Aðalsteinn við Fótbolti.net aðspurður um hvernig helgin hafi verið eftir að það var ljóst að Völsungur hélt sér í deildinni.
Aðalsteinn hefur stýrt karlaliðinu síðustu þrjú ár og verið þjálfari kvennaliðsins í fimm ár. Kvennalið Völsungs er í þriðja sæti í 2. deild og eiga enn möguleika á að fara upp um deild.
„Þetta er þriðja tímabilið svona, hvert tímabil er auðvitað sérstakt. Fyrsta tímabilið gekk kannski ekki alveg nægilega vel. Í fyrra voru bæði lið í toppbaráttu allt sumarið. Það var ansi súrealískt, eins og allt væri að ganga upp,“ segir Aðalsteinn.
„Í sumar hafa stelpurnar verið að elta og eru enn í séns fyrir lokaumferðina. Strákarnir hafa átt gott tímabil og kórónuðu það um helgina. Þetta væri ekki hægt án þess að hafa gott fólk í kringum sig. Þetta er ákveðin klikkun að vera í þessu en við höfum látið þetta ganga hingað til.“
Lengjudeild karla
| Lið | L | U | J | T | Mörk | mun | Stig |
|---|---|---|---|---|---|---|---|
| 1. Þór | 21 | 13 | 3 | 5 | 49 - 30 | +19 | 42 |
| 2. Þróttur R. | 21 | 12 | 5 | 4 | 42 - 35 | +7 | 41 |
| 3. Njarðvík | 21 | 11 | 7 | 3 | 47 - 25 | +22 | 40 |
| 4. HK | 21 | 11 | 4 | 6 | 42 - 29 | +13 | 37 |
| 5. ÍR | 21 | 10 | 7 | 4 | 37 - 25 | +12 | 37 |
| 6. Keflavík | 21 | 10 | 4 | 7 | 49 - 38 | +11 | 34 |
| 7. Völsungur | 21 | 7 | 4 | 10 | 36 - 48 | -12 | 25 |
| 8. Grindavík | 21 | 6 | 3 | 12 | 38 - 58 | -20 | 21 |
| 9. Fylkir | 21 | 5 | 5 | 11 | 32 - 31 | +1 | 20 |
| 10. Leiknir R. | 21 | 5 | 5 | 11 | 22 - 39 | -17 | 20 |
| 11. Selfoss | 21 | 6 | 1 | 14 | 24 - 40 | -16 | 19 |
| 12. Fjölnir | 21 | 3 | 6 | 12 | 31 - 51 | -20 | 15 |
2. deild kvenna
| Lið | L | U | J | T | Mörk | mun | Stig |
|---|---|---|---|---|---|---|---|
| 1. Selfoss | 11 | 11 | 0 | 0 | 46 - 7 | +39 | 33 |
| 2. ÍH | 11 | 9 | 1 | 1 | 59 - 14 | +45 | 28 |
| 3. Völsungur | 11 | 8 | 0 | 3 | 42 - 19 | +23 | 24 |
| 4. Fjölnir | 11 | 6 | 2 | 3 | 26 - 19 | +7 | 20 |
| 5. Álftanes | 11 | 5 | 1 | 5 | 28 - 26 | +2 | 16 |
| 6. Vestri | 11 | 5 | 1 | 5 | 24 - 28 | -4 | 16 |
| 7. Dalvík/Reynir | 11 | 4 | 2 | 5 | 25 - 21 | +4 | 14 |
| 8. Sindri | 11 | 3 | 3 | 5 | 20 - 23 | -3 | 12 |
| 9. KÞ | 11 | 3 | 2 | 6 | 16 - 34 | -18 | 11 |
| 10. ÍR | 11 | 2 | 2 | 7 | 16 - 32 | -16 | 8 |
| 11. Einherji | 11 | 2 | 2 | 7 | 16 - 38 | -22 | 8 |
| 12. Smári | 11 | 0 | 0 | 11 | 1 - 58 | -57 | 0 |
Athugasemdir
