Varamaðurinn Ollie Watkins var óvænt hetja Englendinga er þeir komust í úrslit annað Evrópumótið í röð með því að vinna Holland, 2-1, í lok leiksins.
Gareth Southgate, þjálfari Englendinga, tók Harry Kane og Phil Foden óvænt af velli þegar tíu mínútur voru eftir. Watkins og Cole Palmer komu inn á.
Þetta þótti furðuleg skipting í augnablikinu sem hún var gerð, en gekk svona frábærlega upp.
Palmer fékk boltann, sá Watkins í þverhlaupinu og kom boltanum á Villa-manninn. Hann náði að snúa Stefan De Vrij af sér og þruma boltanum neðst í vinstra hornið úr þröngu færi.
„Vávává! Að skora úr þessum vinkli. Þvílíkt augnablik fyrir Ollie Watkins að fá nokkrar mínútur á þessum stað í mótinu,“ sagði Kjartan Henry í lýsingunni á RÚV:
OLLIE WATKINS!?? Sléttar 90 mínútur og núll sekúndur á klukkunni þegar Watkins skorar sigurmarkið og kemur Englendingum í úrslitaleikinn???????????????????????????? pic.twitter.com/KWOgrcaQ4v
— RÚV Íþróttir (@ruvithrottir) July 10, 2024
Athugasemdir
