Ísland lék vináttulandsleik á Khalifa leikvangnum í Katar fyrr á árinu.
Heimsmeistarakeppni félagsliða fer af stað á morgun en meistarar hverrar heimsálfu taka þátt ásamt gestgjöfunum í Katar. Evrópumeistarar Liverpool koma inn í undanúrslitum en undanúrslitaleikirnir og úrslitaleikurinn verða á RÚV.
Keppnin er haldin í Katar sem er að búa sig undir að halda HM í fótbolta 2022.
Keppnin er haldin í Katar sem er að búa sig undir að halda HM í fótbolta 2022.
Al Sadd frá Katar mun mæta Hienghene Sport frá Nýju-Kaledóníu í opnunarleiknum á morgun en sigurliðið þar leikur svo gegn CF Monterrey frá Mexíkó um að mæta Liverpool í undanúrslitum.
Hienghene er fyrsta liðið sem er fulltrúi Eyjaálfu í keppninni en kemur ekki frá Ástralíu eða Nýja-Sjálandi. Nýja-Kaledónía er eyjaklasi sem er undir yfirráðum Frakklands en hefur verið fullgildur meðlimur innan FIFA síðan 2004.
Liverpool hefur aldrei orðið heimsmeistari félagsliða en liðið leikur til undanúrslita í keppninni á fimmtudaginn í næstu viku. Liverpool leikur svo aftur á sunnudeginum þar á eftir, annað hvort í úrslitaleiknum eða leiknum um þriðja sætið.
Leikir mótsins verða klukkan 17:30 að íslenskum tíma.
Báðir leikir Liverpool verða á Khalifa leikvangnum í Doha en þar lék Ísland vináttulandsleik gegn Svíþjóð í janúarmánuði.
Athugasemdir
