Magnús eftir úrslitaleik Bose mótsins á dögunum.
Búið er að staðfesta félagaskipti Magnus Egilsson úr HB yfir í Val. Frá þessu er greint á Facebook síðu Vals.
Magnus er 25 ára vinstri bakvörður sem sinnti lykilhlutverki hjá HB undir stjórn Heimis Guðjónssonar. Heimir tók við Val í haust og kemur Magnus með honum.
Magnus hefur verið að æfa með Val að undanförnu og spilaði úrslitaleik Bose-mótsins gegn KR á dögunum. Valur hafði betur þar og sigraði Íslandsmeistarana 3-2.
Undir stjórn Heimis urðu Magnus og félagar í HB fyrst deildarmeistarar og svo bikarmeistarar í Færeyjum.
Magnus á einn A-landsleik að baki fyrir Færeyjar og tekur stöðu Bjarna Ólafs Eiríkssonar í leikmannahópi Vals.
Athugasemdir
