Höskuldur skoraði tvö: Var með ágætis tilfinningu í nýjum skóm
Jón Þór: Þessi leikur á eftir að nýtast okkur helling
Dóri staðfestir viðræðuslitin: Var kannski ekki eins og menn höfðu séð fyrir sér
Gummi Tóta: Vonaðist til að hjálparvörnin kæmi
Andri Lucas: Vonandi komumst við á stórmót eins fljótt og hægt er
Daníel Leó: Menn eru ennþá í áfalli
Hákon Arnar: Ég vona það fyrir framtíðina
Stefnan er sett á HM - „Maður lærir mest þegar á móti blæs“
„Ekkert eðlilega svekkjandi, ömurlegt bara"
Jói Berg: Grátlegt að vera svona nálægt þessu og ná ekki á EM
Jón Dagur: Líður eins og tímabilið sé búið
Hareide lítur björtum augum á framtíðina - „Þurfum fleiri varnarmenn"
Furðar sig á ákvörðun Rebrov - „Held að Guðmundsson skori"
Beðið um mynd í miðju viðtali - „Ef þú syngur með okkur í 90 mínútur þá ertu í Tólfunni"
Joey Drummer: Besta stund sem ég hef upplifað
Siggi Bond með innherjaupplýsingar fyrir leikinn í kvöld
Sjáðu auglýsinguna fyrir Bestu deildina 2024 - Þekkt andlit í nýjum aðstæðum
27 þúsund miðar seldir á Úkraína - Ísland í Wroclaw skálinni
Víðir Sig: Væri gaman ef annar draumur myndi rætast í þessari borg
Jói bjartsýnn á að geta spilað - „Það róaði taugarnar ansi mikið"
   þri 11. janúar 2022 21:50
Sæbjörn Þór Þórbergsson Steinke
Arnar Gunnlaugs: Alls ekki nægilega gott
Mynd: Fótbolti.net - Hafliði Breiðfjörð
Mynd: Fótbolti.net - Hafliði Breiðfjörð
Arnar Gunnlaugsson, þjálfari Íslands- og bikarmeistara Víkings, var ekkert yfir sig ánægður með 4-3 endurkomusigur gegn Fylki í Reykjavíkurmótinu í kvöld. Fylkir komst í 0-3 en Víkingur náði að koma til baka með því að skora síðustu fjögur mörk leiksins.

„Við erum búnir að fá á okkur ellefu mörk í þrem leikjum, miðað við lið sem fékk á sig þrjú mörk í síðustu tíu leikjunum síðasta sumar þá er það alls ekki nægilega gott," sagði Arnar eftir leik.

„Mér líður eins og við séum aðeins eftir á þessum liðum, byrjuðum seint að æfa, búnir að lenda í covid veseni og menn í mismunandi takti. Júlli byrjaði að æfa í gær, Pablo og Niko ekki búnir að spila leik síðan í október. Við verðum að sætta okkur við það að við erum á þessum tímapunkti en sýndum þó karakter á móti spræku liði Fylkis."

„Auðvitað er mikilvægt að koma til baka, við erum lentir 0-3 undir eftir eitthvað korter. Um leið og boltinn fór inn í teiginn hjá okkur þá varð mark. Þrátt fyrir það var fyrri hálfleikur ekki alslæmur, það voru margar mjög góðar sóknir. Einhvern veginn voru það þessi extra 5% sem vantaði í öllu, vantaði í sendingar, vantaði í færslum og nefndu það bara. Það er allt í lagi að vera á þeim stað á þessum tímapunkti ef þú gerir þér grein fyrir því hvað er að og hvað er hægt að laga. Úrslitin voru góð en við þurfum að sýna betri frammistöðu en þetta á laugardaginn þegar Valur kemur í heimsókn."


Fylkir leiddi 0-3 eftir fyrsta korterið, ertu sérstaklega óánægður með það eða hélt það sem þú ert óánægður með áfram eftir það?

„Varnarfærslurnar voru fínar í þessum mörkum, það komu fyrirgjafir sem hægt var að koma í veg fyrir. Það er fyrst hægt að leitast eftir því á þessum tíma að færslurnar séu mjög góðar og þær voru mjög góðar. Svo eru það einstaklingsmistökin, annað hvort þarftu að vinna þinn mann inn á teignum eða koma í veg fyrir fyrirgjöf. Þetta var ekki bara í þessum leik heldur líka á móti Skaganum og Breiðabliki. Það eru mistök sem eru óvön okkur en svo ef þú pælir í því þá erum við búnir að missa tvo hafsenta og erum að slípa okkur til, nýjar færslur fyrir suma. Þannig þetta er svo sem ekkert óeðlilegt á þessum tíma árs," sagði Arnar.

Viðtalið er talsvert lengra en í því er hann spurður út í landsliðsvalið, Kyle McLagan, Júlíus Magnússon, Atla Barkarson, Nikolaj Hansen og tvo stóra bita sem gætu verið á heimleið.
Athugasemdir
banner
banner
banner