Ítalía: Þórir Jóhann byrjaði í fyrsta sinn er Lecce sótti fimmta deildarsigurinn

Hafnfirðingurinn kom ekki mikið við sögu í byrjun tímabilsins og hafði aðeins spilað nokkrar mínútur í bikarnum áður en hann fékk loks tækifærið í Seríu A í nóvember.

Þá spilaði hann gegn Íslendingaliði Venezia en hann hefur verið að fá fleiri mínútur síðasta mánuðinn og kom fyrsti byrjunarliðsleikurinn í dag.

Hann lék á miðjunni og hjálpaði liði sínu að vinna fimmta leikinn á tímabilinu. Tete Morente og Nikola Krstovic skoruðu tvö á fimm mínútum í byrjun leiks en Liberato Cacace kom Empoli inn í leikinn í upphafi síðari hálfleiks.

Þórir fór af velli nokkrum mínútum eftir markið. Kristovic gerði annað mark sitt og síðasta mark leiksins þegar lítið var eftir og eru liðin nú jöfn að stigum með 20 stig í 13. og 14. sæti deildarinnar.

Udinese og Atalanta gerðu markalaust jafntefli í Udine. Atalanta mistókst að endurheimta toppsætið af Napoli og er nú með 42 stig í öðru sæti, tveimur stigum frá toppnum.

Empoli 1 - 3 Lecce
0-1 Tete Morente ('6 )
0-2 Nikola Krstovic ('11 )
1-2 Liberato Cacace ('47 )
1-3 Nikola Krstovic ('90 )

Udinese 0 - 0 Atalanta