Ráðinn ritstjóri enska boltans á Símanum
Tómas er nýr ritstjóri enska boltans á Símanum. Bjarni Þór Viðarsson, Logi Bergmann Eiðsson og Eiður Smári Guðjohnsen eru í teyminu.
Tómas Þór Þórðarson íþróttafréttamaður er að færa sig um set en hann mun hætta störfum hjá Sýn og verður ritstjóri enska boltans hjá Símanum á næsta tímabili.
Enski boltinn fer yfir á Símann frá og með næsta mánuði en sérstakur kynningarfundur var haldinn í höfuðstöðvum fyrirtækisins í dag.
Tómas Þór er spenntur fyrir nýju starfi.
Enski boltinn fer yfir á Símann frá og með næsta mánuði en sérstakur kynningarfundur var haldinn í höfuðstöðvum fyrirtækisins í dag.
Tómas Þór er spenntur fyrir nýju starfi.
„Þetta er gríðarleg ábyrgð en fyrst og fremst ógeðslega skemmtilegt hvað eru miklir möguleikar í þessu. Það verður öðruvísi nálgun og í meiri takti við það sem er að gerast úti," segir Tómas Þór en mánaðaráskriftin mun verða 4.500 krónur.
„Fyrir þetta verð þori ég að fullyrða að það verður enginn svikinn. Þetta er risapakki sem Síminn hefur tekið á sig."
Teymi Símans verður með annan fótinn á Englandi og mun vinna þar efni, senda út beint frá hliðarlínunni og lýsa leikjum beint frá leikjum.
„Það sem ég er spenntastur fyrir er viðveran á vellinum. Við ætlum að reyna að fara eins oft út og mögulegt er. Það verður rosalega skemmtilegt að fá að standa á Old Trafford og Anfield," segir Tómas.
Sjáðu viðtalið við Tómas Þór í heild sinni í sjónvarpinu hér að ofan.
Athugasemdir
