Jón Steindór Þorsteinsson, þjálfari Fylkis var svekktur eftir 1-0 tap gegn Tindastól í kvöld í 2. umferð Lengjudeildarinnar.
„Bara svekkelsi í sjálfu sér, þetta var náttúrulega bara hörkuleikur og voða 50/50 og hefði getað dottið hvoru megin sem var og datt bara Tindastólsmegin í dag. Ég hefði viljað skapað mér fleiri færi í dag vissulega, þær voru rosalega þéttar fyrir og gerðu okkur svolítið erfitt fyrir að skapa eitthvað fyrir aftan þær."
„Við vorum með svolítið af sendingarfeilum og sérstaklega þegar við vorum að reyna að koma boltanum upp á síðasta þriðjung. Ég hefði viljað sjá bara aðeins meiri gæði frá okkar liði í dag í sjálfu sér."
Lestu um leikinn: Fylkir 0 - 1 Tindastóll
Helga Guðrún fór tvisvar niður í teignum í leiknum og vildu Fylkismenn fá víti.
„Já sérstaklega hérna í lokin, mér finnst vera farið beint í bakið á henni. Í fyrri hálfleik er brotið á henni í raun fyrir utan teig og ég hefði í rauninni viljað fá af því að hún er komin í gegn og hún er stoppuð og það er togað í hana og við fáum í rauninni ekki færið þannig ég hefði viljað láta færa það út fyrir í sjálfu sér. Samkvæmt fótboltareglunum ef að leikmaður er sloppinn í gegn og það er togað í hann, það er náttúrulega bara rautt spjald en það skiptir þannig lagað séð ekki öllum máli, Tómas var bara með þetta og verð ég ekki bara að treysta því að þetta hafi verið rétt hjá honum," hafði Jón Steindór um þessi atvik að segja.
Viðtalið í heild má sjá í spilaranum fyrir ofan.
