Kristín Dís: Getum haldið hreinu eins lengi og við viljum

„Maður var svolítið stífur síðustu 10 mínúturnar og þetta verður örugglega þungt á manni á morgun. Við fengum hlaupaprógramm í sóttkví og tókum það, svo mættum við klárar á æfingu um leið og við losnuðum."

Hvert var leikplanið í kvöld?

„Við ætluðum að sækja upp kantana og halda breidd. Það gekk ágætlega."

Breiðablik hefur enn ekki fengið á sig mark í sumar. Hún er að vonum ánægð með afraksturinn.

„Ég er mjög sátt. Varnarlínan hefur verið mjög stöðug í byrjun sumars og við erum mjög sáttar."

Hversu lengi getið þið haldið búrinu hreinu?

„Bara eins lengi og við viljum."

Klára mótið?

„Ætli það ekki."

Hver er draumamótherjinn í bikarnum?

„Valur á heimavelli. Þetta eru tvö sterkustu lið landsins og það væri skemmtilegt."

Eruði betri en Valur?

„Já."