Hoffenheim 0 - 0 Bayer
Bayer Leverkusen tapaði mikilvægum stigum í baráttu um Meistaradeildarsæti er liðið gerði markalaust jafntefli við Hoffenheim í þýsku deildinni í kvöld.
Vörn Hoffenheim náði að halda sóknarmönnum Leverkusen í skefjum. Hoffenheim fékk ekkert færi í leiknum á meðan Leverkusen átti aðeins eitt skot á rammann.
Þessi úrslit eru mikil vonbrigði fyrir Leverkusen sem er í harðri baráttu um Meistaradeildarsæti en liðið er í 6. sæti með 44 stig, nú níu stigum á eftir Frankfurt sem er í 4. sæti þegar sex leikir eru eftir af deildinni.
Hoffenheim er í 12. sæti með 31 stig, fimm stigum frá fallsæti.
Athugasemdir