Championship: Rotherham enn í séns - Swansea á leið í umspil

Þrír leikir fóru í dag fram í ensku Championship-deildinni. Rotherham vann 3-1 heimasigur á QPR, Swansea lagði Sheffield Wednesday á útivelli og Bournemouth fór til Huddersfield og tók þrjú stig með heim.

Rotherham á enn séns á því að halda sér í deildinni eftir að hafa svarað marki Lyndon Dykes í dag með þremur mörkum. Rotherham er í þriðja neðsta sæti og þarf að klára leiktíðina vel.

Swansea er á leið í umspilið, liðið er í 3. sæti deildarinnar en ólíklegt er að liðið nái Watford fyrir loka tímabilsins. Swansea vann 0-2 sigur í Sheffield í dag. Sheffield er í brasi í næstneðsta sæti.

Þá vann Bournemouth 1-2 útisigur á Huddersfield og styrkir stöðu sína í baráttunni um umspilssæti.