„Meiðist alltaf þegar hann fer í landsliðsverkefni“

„Við erum óheppnir með Nathan, alltaf þegar hann fer og spilar fyrir Holland kemur hann til baka meiddur," sagði Pep Guardiola, stjóri Manchester City, á fréttamannafundi í dag.

Haaland missti náinn vin
Manchester City mætir Brentford á morgun klukkan 14:00. Sóknarmaðurinn Erling Haland missti náinn fjölskylduvin í vikunni og segir Guardiola að það verði tekin ákvörðun í fyrramálið hvort hann sé andlega klár í að spila leikinn.

Phil Foden og Rodri hafa litið vel út á æfingum og verða að öllum líkindum klárir í slaginn. Foden var að glíma við veikindi og Rodri meiddist lítillega í landsliðsglugganum.

Guardiola var á fréttamannafundinum meðal annars spurður út í réttarhöldin framundan þar sem teknar verða fyrir ákærur um fjárhagsbrot City.

Guardiola sagðist ekki vera löglærður en hlakka til þegar niðurstaða kæmi í málið. Hann lagði áherslu á að félagið væri saklaust þar til sekt væri sönnuð.