Það verður samlandi Erik Hamren, landsliðsþjálfara Íslands sem dæmir viðureign landsliðsins gegn Sviss í Þjóðadeildinni á mánudagskvöld.
Andreas Ekberg hefur fengið það verðuga verkefni að dæma leik Ísland og Sviss í Þjóðadeildinni. Það vill einmitt svo skemmtilega til að Ekberg er samlandi Hamren.
Ekberg er búsettur í Malmö og hefur verið FIFA dómari síðan árið 2013. Hann gerðist dómari árið 2004 og hefur dæmt í úrvalsdeildinni í Svíþjóð síðan árið 2009. Hann hefur alls dæmt 74 leiki í sænsku úrvalsdeildinni, 55 í næst efstu deild þar í landi og 14 landsleiki síðan árið 2014.
Hamren getur því rætt við dómarann á móðurmálinu en landsliðið á harma að hefna gegn Sviss eftir að hafa fengið slæman skell gegn liðinu í byrjun september.
Athugasemdir