Heimild: Morgunblaðið
Frá höfuðstöðvum KSÍ.
Morgunblaðið segir að Arnar Þór Viðarsson landsliðsþjálfari hafi ekki getað valið alla þá leikmenn sem hann vildi hafa í hópnum í nýliðnum landsleikjaglugga.
Samkvæmt frétt blaðsins sendi aðgerðarhópurinn Öfgar stjórn KSÍ nöfn á sex leikmönnum karlaliðsins og dagsetningar yfir meint ofbeldis- og kynferðisbrot þeirra.
Aron Einar Gunnarsson, Kolbeinn Sigþórsson og Gylfi Þór Sigurðsson hafa allir verið nafngreindir en hinir þrír ekki.
Samkvæmt frétt blaðsins sendi aðgerðarhópurinn Öfgar stjórn KSÍ nöfn á sex leikmönnum karlaliðsins og dagsetningar yfir meint ofbeldis- og kynferðisbrot þeirra.
Aron Einar Gunnarsson, Kolbeinn Sigþórsson og Gylfi Þór Sigurðsson hafa allir verið nafngreindir en hinir þrír ekki.
Lögmaðurinn Sigurður G. Guðjónsson hefur verið duglegur við að tjá sig um vinnubrögð KSÍ og í kjölfar fréttar Morgunblaðsins skrifar hann pistil á Facebook, með fyrirsögninni 'Rannsóknarréttur íþróttahreyfingarinnar'.
„Íþróttahreyfingin hefur komið sér upp einhvers konar rannsóknarrétti í Laugardal, þar sem ekki er spurt um sekt áður en dæmt er," skrifar Sigurður meðal annars.
„Stjórn KSÍ útilokar góða leikmenn frá því að spila með karlalandsliði. Ég þekki auk þess dæmi um að knattspyrnufélag hefur útiloka unga drengi frá æfingum og leikjum vegna þess að hann eru borinn sökum um ofbeldisbrot gagnvart stúlku á sama aldri. Engin sönnun er þó um brot hans fremur hið gagnstæða."
„Enginn veltir því fyrir sér hvaða afleiðingar þetta hefur haft á líf þessa unga drengs. Sem betur fer á hann góða að sem reyna að halda utan um hann. Það eru ekki allir svona heppnir. Er ekki rétt að íþróttahreyfingin geri það sem henni ber samkvæmt lögum sínum og samþykktum og láti réttarvörslukerfið um rannsóknir sakamála hvers eðlis sem þau kunna að vera."
Athugasemdir
