Liverpool gæti reynt við Osimhen - PSG ætlar ekki að selja Barcola - Williams orðaður við Arsenal
„Sýnir úr hverju menn eru gerðir þegar það er búið að berja á sér"
Gunnar Már: Sérð það á liðinu að sjálfstraustið er ekkert
Gústi Gylfa eftir fyrsta Breiðholtsslaginn: Ekki slegnir út af laginu
Mætti góðum vini sínum - „Klobbaði hann og þá fékk hann alveg að vita af því"
Jóhann Birnir: Það er akkúrat það sem við ætlum að vera
Árni Freyr: Tel mig og teymið vera nægilega gott til þess að snúa þessu við
Halli Hróðmars: Getum náð í úrslit líka þó að það dynji aðeins á okkur
„Ákváðum þetta í raun bara klukkan hálf ellefu í morgun"
Agla María: Frammistaðan hefur alveg verið betri
Nik Chamberlain: Enginn vafi á því að við myndum vinna þennan leik
Pétur Rögnvalds: Óhress með sjálfan mig
Hulda Ösp: Ég var bara á réttum stað og á réttum tíma
Rakel Grétars: Það gekk ekkert upp
Guðni um endatakmarkið: Rosalegt hungur að gera það í ár
Jói um gula spjaldið: Greinilega mikið að gera hjá dómaranefndinni
Óli Kri: Sólin kemur upp á morgun og það eru fleiri verkefni framundan
Fanndís Friðriks: Þetta er bara ný keppni og okkur langar að vinna þennan titil
Arnar tekur erfiðar ákvarðanir í haust: Ætla að komast á HM með eða án ykkar
Willum: Við fengum fínustu færi og vorum óheppnir
„Alvaran byrjar í haust og þá fer þetta að telja"
banner
   fim 15. maí 2025 21:34
Daníel Smári Magnússon
Rúnar Kristins: Baráttuandinn og viljinn til staðar
Rúnar var stoltur af sínu liði í dag.
Rúnar var stoltur af sínu liði í dag.
Mynd: Fótbolti.net - Hafliði Breiðfjörð
Viktor Freyr stóð sig frábærlega í kvöld.
Viktor Freyr stóð sig frábærlega í kvöld.
Mynd: Fótbolti.net - Hafliði Breiðfjörð

„Þetta var bara hörkuleikur. Tvö lið sem að vildu virkilega komast áfram, en fannst við bara hafa yfirhöndina svona meira og minna. Lendum reyndar undir, en erum þá búnir að brenna af vítaspyrnu og komum vel inn í leikinn og komnir með góða stöðu í hálfleik. En þetta er alltaf leikur, þeir skora 3-2 og þá er maður dálítið farinn að hugsa "erum við að fara að gefast upp hérna?" en mér fannst bara strákarnir sýna góðan karakter, að æða fram og skora fjórða markið,'' sagði Rúnar Kristinsson, þjálfari Fram, eftir góðan 2-4 sigur á KA í Mjólkurbikarnum í kvöld.


Lestu um leikinn: KA 2 -  4 Fram

Leikurinn byrjaði heldur brösuglega fyrir Framara. Israel Garcia brennir af vítaspyrnu og Hallgrímur Mar Steingrímsson skorar stórglæsilegt mark til að koma KA yfir, en gestirnir gáfust ekki upp og fóru með verðskuldaða 1-3 forystu inn í hálfleik. Rúnar var afar ánægður með hugarfar sinna manna.

„Ég er ótrúlega stoltur af liðinu mínu og hef verið það í allt sumar. Leikirnir hafa margir hverjir ekkert fallið sérstaklega með okkur, þó að við höfum átt kannski betri kafla í sumum leikjunum, en ekki fengið neitt fyrir það. Og maður hugsaði eftir að við brennum af vítaspyrnu "ætlar þetta að vera svona eitthvað lengi?'', en við snerum því við og trúin var til staðar. Baráttuandinn og viljinn sem að þarf alltaf að vera til staðar var hér og svo fannst mér við bara spila nokkuð vel,'' sagði Rúnar.

Viktor Freyr Sigurðsson, markmaður Fram, átti glimrandi góðan leik í dag og Rúnar hrósaði honum í hástert.

„Algjörlega frábær og búinn að vera frábær eftir að hann tók stöðuna. Ofboðslega stoltur af honum og hann er búinn að vaxa mikið. Hann ver ótrúlegustu vörslur, sem að kannski fáir gera en hann er ennþá ungur og óreyndur í deildinni og þarf að fá leiki og við erum að gefa honum þann séns. Hann er að nýta hann og við þurfum að halda áfram að bæta hann og bæta okkur sem lið, þá bera allir ávöxt af því,'' sagðir Rúnar.

Viðtalið má sjá í heild sinni í spilaranum hér að ofan.


Athugasemdir
banner