Mónakó er búið að festa kaup á nígeríska framherjanum Henry Onyekuru fyrir 12,5 milljónir punda.
Onyekuru er 22 ára og var keyptur til Everton fyrir tveimur árum. Þá kostaði hann 7 milljónir punda.
Hann kom aldrei við sögu hjá Everton en gerði fína hluti að láni hjá Anderlecht og Galatasaray.
Hann á ellefu landsleiki að baki og bætist nú í gríðarlega stóran hóp sóknarmanna í leikmannahópi Mónakó.
Það verður áhugavert að fylgjast með gengi Mónakó í haust en liðið komst nálægt því að falla úr efstu deild franska boltans í vor.
Athugasemdir
