„Mjög ánægður. Við höfum spilað svona mjög lengi en ekki náð að koma boltanum svona oft í netið. Byrjunin var frábær og ég er mjög sáttur.“ sagði John Andrews, þjálfari Víkinga, eftir 5-1 sigur á Tindastól í Víkinni í dag.
Lestu um leikinn: Víkingur R. 5 - 1 Tindastóll
Byrjunin á leiknum hlýtur að hafa heillað John?
„Þær áttu langt ferðalag hingað frá Sauðakróki. Við greindum þær yfir Þróttaraleiknum og þær voru frábærar. Við hugsuðum að við þurftum að keyra á þær en ég er mjög sáttur, ég fær mér kannski einn kaldan.“
Eftir að Víkingar komust í 4-0 róaðist leikurinn niður, afhverju heldur hann að það hafi gerst?
„Ef þetta hefði haldið svona áfram hefði leikurinn endað 100-0, eða 100-10. Við vorum ánægð með hvernig við stýrðum leiknum og héldum í boltann. Við skoruðum gott mark líka í lokin. Maður veit það samt að þegar maður fer 4-0 yfir í hálfleikinn að maður er ekki að fara að vinna 8 eða 9-0. Leikmennirnir í hinum liðunum eru bara það góðir og standardinn er bara það góður.“
Spilaðist þessi leikur eins og Víkingsliðið átti von á?
„Já hann gerði það. Við vissum að við gætum keyrt á þær og pressað þær hátt. Leikurinn fór eins og við héldum og kannski eins og þú hélst (undirritaður spáði Víkingum 4-1 sigri og að vera 3-0 yfir eftir 10 mínútur). Við vissum að þetta væri aldrei að fara að vera auðvelt. Við fáum aldrei auðvelda leiki gegn liðum sem Donni stýrir. Hann er frábær þjálfari og hefur gert frábæra hluti fyrir norðan og við óskum þeim góðs gengis í neðri hlutanum.“
John er stoltur af liðinu, starfsteyminu og stjórninni. Hann segir þetta vera góður dagur að vera Víkingur.
„Það sem við erum ánægð með og fólk hefur ekki tekið eftir er að við höfum bara tapað einum leik í 9 leikjum. Við erum á stórkostlegu skriði. Þetta hefur ekki verið eitt af þessum skriðum þar sem allt fellur með þér. Við höfum ekki verið það heppin í ár. Ég verð að gefa stelpunum, starfsteyminu og stjórninni stórt hrós. Við höfum ekki verið heppin. Þetta hefur verið erfitt og stelpurnar hafa barist eins og ljón á vellinum. Við erum mjög stolt. Síðan er þetta góður dagur að vera Víkingur því karlaliðið fór áfram í Evrópu í kvöld, áfram Víkingur.“ sagði John.
Nánar er rætt við John Andrews í spilaranum hér að ofan.
