Bruce: Mun gera mitt allrabesta til þess að sannfæra eigendurna

„Við ræddum ekkert um mína framtíð, þetta snerist allt um liðið, meiðsli og hvernig við horfum á leikinn um helgina. Þetta var mjög upplýsandi og þetta er gott fólk."

„Það var gott að hitta þau og við skulum ekki gleyma því að það sem gerðist var frábært fyrir félagið og borgina. Ef þetta kemur Newcastle áfram sem félagi þá er það frábært."

Bruce er að fara stýra sínum 1000. leik á ferlinum. „Þetta snýst ekki um mig, ég spilaði 950 leiki, vann allt sem er hægt að vinna á Englandi svo þetta snýst ekki um mig. Þetta snýst um félagið og að ná í úrslit. Við verðum að ná í sigur til að komast upp töfluna," sagði Bruce.

Bruce var spurður hvort hann gæti sannfært eigendurna um að gefa sér tækifæri sem stjóri félagsins. „Ég mun gera mitt allrabesta til þess að sannfæra eigendurna, hver myndi ekki vilja þetta tækifæri? Allir stjórar myndu elska að sitja í mínu sæti svo ég mun gera mitt allra besta til að reyna halda því. Ég mun gera mitt besta fyrir félagið."

Bruce var með ákveðin skilaboð til stuðningsmanna félagsins: „Hvað svo sem fólki finnst um mig þá er það mikilvægasta að liðið vinni. Ég held að það verði öðruvísi andrúmsloft en við höfum séð áður. Liðið æfði vel í þessari viku og ég vona að við vinnum leikinn."

Bruce þakkaði svo Mike Ashley fyrir að hafa gefið sér tækifæri á að stýra Newcastle.