Þýskaland: Gulli Victor spilaði er Darmstadt tapaði niður 2-0 forystu

Darmstadt byrjaði leikinn frábærlega og tók forystuna eftir tvær mínútur. Staðan varð 2-0 á 40. mínútu og var hún þannig þegar liðin gengu til búningsklefa.

Gestirnir mættu af meiri krafti inn í seinni hálfleikinn og þeir náðu að jafna með tveimur mörkum með stuttu millibili; það fyrsta kom á 69. mínútu og það síðara á 75. mínútu.

Fleiri urðu mörkin ekki og lokatölur 2-2 á heimavelli Darmstadt. Darmstadt er í 12. sæti deildarinnar og Greuther Fürth í þriðja sætinu.

Guðlaugur Victor er 29 ára gamall og hefur verið fastamaður í landsliðinu upp á síðkastið. Hann hefur spilað stórt hlutverk undanfarin ár, bæði sem bakvörður og miðjumaður.