Undir lok fyrri hálfleiks, á 43. mínútu, í leik KA og Fram í gærkvöldi varð KA fyrir áfalli. Það var ekki nóg með að Kyle McLagan skoraði þriðja mark gestanna, heldur tognaði Kári Gautason í sömu sókn.
Hann var að elta sinn mann, Vuk Oskar Dimitrijevic, úti á vinstri kanti Framara þegar hann fann fyrir lærinu og gat ekki haldið áfram að hlaupa.
Hann fór af velli í kjölfarið og staðfesti Hallgrímur Jónasson, þjálfari KA, að Kári hefði tognað aftan í læri.
Hann var að elta sinn mann, Vuk Oskar Dimitrijevic, úti á vinstri kanti Framara þegar hann fann fyrir lærinu og gat ekki haldið áfram að hlaupa.
Hann fór af velli í kjölfarið og staðfesti Hallgrímur Jónasson, þjálfari KA, að Kári hefði tognað aftan í læri.
Lestu um leikinn: KA 2 - 4 Fram
Hann verður því ekki með KA næstu vikurnar en Hallgrímur er með nokkra kosti í stöðunni. Guðjón Ernir Hrafnkelsson, Ingimar Torbjörnsson Stöle og Hrannar Björn Steingrímsson geta allir leyst þessa stöðu. Hrannar var að vísu ekki í hópnum í gær.
KA tapaði leiknum í gær 2-4 og er því úr leik í Mjólkurbikarnum þetta árið. Framundan er leikur gegn ÍBV í Vestmannaeyjum.
Athugasemdir
