Franski varnarmaðurinn Jules Kounde er sagður í viðræðum við Barcelona á Spáni en þetta kemur fram í Mundo Deportivo og Radio Catalunya.
Kounde er 23 ára gamall miðvörður er á mála hjá Sevilla en enska úrvalsdeildarfélagið Chelsea reyndi að kaupa hann á síðasta ári.
Sevilla hafnaði öllum tilboðum Chelsea og ákvað að halda honum í ár til viðbótar til að fá meiri pening fyrir hann.
Nú er spænska félagið reiðubúið að setjast að borðinu og ræða málin en Chelsea hefur verið í bílstjórasætinu hingað til.
Mundo Deportivo og Radio Catalunya greina nú frá því að Kounda ætli sér til Barcelona og að viðræður félagsins við Sevilla séu komnar langt á veg.
Barcelona greiðir 60 milljónir evra fyrir leikmanninn og þá fær Sevilla leikmann frá Börsungum í skiptum.
Kounde er fastamaður í franska landsliðinu og þykir með bestu varnarmönnum spænsku deildarinnar.
Athugasemdir