Það fór mikið fyrir Karl Friðleifi í kvöld.
Víkingur vann 3-2 sigur á KR fyrr í kvöld og þar með komu sér á topp deildarinnar. Karl Friðleifur leikmaður Víkings fékk dæmt á sig víti og gult spjald eftir að hafa varið marktilraun með hendi.
Lestu um leikinn: Víkingur R. 3 - 2 KR
„Boltinn rúllar framhjá öllum og ég henti mér fyrir hann. Mér finnst höndin vera nálægt líkamanum en boltinn fer vissulega í hendina á mér. Þetta var ekkert sem ég var að reyna og boltinn fer í hendina."
Rúmum tíu mínútum eftir vítaspyrnudóminn skoraði Karl Friðleifur.
„Það er stutt á milli í þessu. Það eru mismunandi skoðanir mér er alveg sama, dómarinn dæmdi leikinn og hann er eini sem ræður."
Karl var tekinn af velli í hálfleik.
„Eftir þetta gula spjald tók ég eitt tvö brot í viðbót, ég skil alveg að hann hafi tekið mig út af. Maður var auðvitað fúll að vera tekinn af velli í hálfleik en það er eins og það er."
Viðtalið má sjá í heild sinni í spilaranum fyrir ofan.
Athugasemdir
