Paul Pogba, miðjumaður Manchester United, gæti gengið í raðir Real Madrid áður en félagaskiptaglugginn á Spáni lokar 2. september en þetta segir bróðir hans Mathias.
Mathias gekk á dögunum til liðs við CD Manchego sem spilar í spænsku D-deildinni.
Mathias gekk á dögunum til liðs við CD Manchego sem spilar í spænsku D-deildinni.
Spænskir fjölmiðlar gripu Mathias í viðtal í vikunni og spurðu hvað Zinedine Zidane skortir hjá Real Madrid.
„Bróðir minn," svaraði Mathias og hló. „Ég held í hreinskilni að hann þurfi á miðjumanni að halda."
Real Madrid reyndi við Pogba fyrr í sumar og aðspurður hvort hann búist við að félagið geri aðra tilraun fyrir lok gluggans sagði Mathias: „Já, ekkert er ómögulegt í lífinu."
Athugasemdir