Chelsea 1 - 0 Man City
1-0 Hakim Ziyech('55)
1-0 Hakim Ziyech('55)
Chelsea er búið að tryggja sér sæti í úrslitum enska bikarsins og mun þar spila við Southampton eða Leicester City.
Þetta varð ljóst nú rétt í þessu en Chelsea spilaði við Manchester City á Wembley vellinum í London.
Leikurinn í dag var oft á köflum engin frábær skemmtun en eitt mark var skorað og það voru þeir dökkbláu sem gerðu það.
Markið skoraði Hakim Ziyech í seinni hálfleik en hann fékk þá góða sendingu frá Timo Werner og afgreiddi boltann í autt net Man City.
Chelsea mun því spila í úrslitunum á þessu ári en mótherjinn verður annað hvort Leicester eða Southampton.
Athugasemdir
