Portúgalski framherjinn Goncalo Ramos meiddist illa á vinstri ökkla í þægilegum sigri Paris Saint-Germain gegn Le Havre í fyrstu umferð franska deildartímabilsins í gærkvöldi.
Í viðtali að leikslokum talaði Luis Enrique þjálfari strax um að hér væri um mjög slæm meiðsli að ræða og í dag er komið í ljós að Ramos verður frá næstu þrjá mánuðina hið minnsta.
PSG er því að skoða sig um á leikmannamarkaðinum til að kaupa nýjan framherja. Victor Osimhen er enn talinn vera ofarlega á óskalistanum.
Ramos er einn af tveimur framherjum sem eru að berjast um byrjunarliðssæti hjá PSG. Randal Kolo Muani er núna aðal framherji byrjunarliðsins.
Athugasemdir
