Ísland U17 1 - 0 Suður-Kórea
1-0 Tómas Óli Kristjánsson ('78)
1-0 Tómas Óli Kristjánsson ('78)
U17 landslið karla endar í öðru sæti á Telki Cup æfingamótinu sem haldið var í Ungverjalandi.
Ísland lagði Suður-Kóreu að velli í lokaumferð mótsins þar sem Tómas Óli Kristjánsson skoraði eina markið í 1-0 sigri.
Ísland endar því með sex stig eftir tveggja marka sigur gegn Ungverjalandi í annarri umferð og naumt tap gegn ógnarsterku liði Ítala í fyrstu umferð, eftir afar fjörugan sjö marka leik.
Suður-Kórea endar í þriðja sæti eftir sigur gegn Ungverjalandi, en Ungverjar náðu aðeins í eitt stig á æfingamótinu á heimavelli - í lokaumferðinni gegn sigurliði Ítala.
Hinn bráðefnilegi Tómas Óli, sem skoraði eina mark Íslands í sigrinum í dag, er á mála hjá Århus í Danmörku. Hann er partur af sterkri akademíu þar.
Tómas Óli er fæddur 2008 og var lykilmaður í U15 og U16 landsliðum Íslands.
Athugasemdir
