Southampton hefur fengið franska miðjumanninn Lesley Ugochukwu á láni frá Chelsea fyrir átökin í úrvalsdeildinni.
Ugochukwu er tvítugur miðjumaður sem gekk til liðs við Chelsea frá Rennes síðasta sumar.
Hann kom við sögu í 15 leikjum með Chelsea á síðustu leiktíð, þar af 12 í úrvalsdeildinni en Chelsea vinnur hörðum höndum að losa sig við leikmenn þar sem hópurinn er orðinn ansi stór.
„Ég er mjög ánægður, Southampton er með mikla sögu. Margir frábærir leikmenn hafa komið og spilað fyrir Southampton svo ég er mjög ánægður að vera hluti af liðinu núna," sagði Ugochukwu.
„Þetta var auðveld ákvörðun. Þeir voru að komast aftur í úrvalsdeildina, þegar ég heyrði af áhuga Southampton og spjallaði við stjórann sagði ég: 'Ég verð að koma hingað'."
The smile says it all ???? pic.twitter.com/AXpIf8vnsS
