Tvö lið geta tryggt sér sæti í Lengjudeildinni í þessari umferð en það eru KV og Völsungur.

KV er fyrir leikinn með 38 stig í öðru sæti deildarinnar og er Völsungur sæti neðar með 37.

KV spilar við Þrótt Vogum í lokaumferðinni á heimavelli en Þróttur er búið að tryggja sig upp og er á toppnum með 42 stig.

Völsungur spilar á sama tíma við Njarðvík á útivelli og getur komist upp en þarf að treysta á að KV tapi stigum gegn toppliðinu.

KV hefur bætt umgjörðina á heimavelli sínum fyrir leikinn og verður til að mynda boðið upp á pizzu og bjór í félagsheimilinu.

Þá er búið að smella upp áhorfendapöllum við hliðarlínuna í von um að flestir sjái sér fært að mæta á völlinn og styðja liðið.