Leicester City 2 - 1 West Brom
1-0 Jordan Ayew ('18 )
1-1 Karlan Grant ('34 )
2-1 Issahaku Fatawu ('95)
1-0 Jordan Ayew ('18 )
1-1 Karlan Grant ('34 )
2-1 Issahaku Fatawu ('95)
Leicester City tók á móti West Bromwich Albion í síðasta leik 26. umferðar ensku Championship deildarinnar.
Jordan Ayew tók forystuna fyrir heimamenn í fyrri hálfleik eftir frábæran undirbúning frá Jordan James, en Karlan Grant jafnaði svo eftir góða sókn þar sem WBA spilaði mjög vel úr hápressunni frá Leicester. Þarna voru tveir fyrrum úrvalsdeildarleikmenn á ferðinni og var staðan jöfn í leikhlé.
Það ríkti þokkalegt jafnræði með liðunum í lokuðum leik sem einkenndist af mikilli baráttu. Gestirnir í liði West Brom voru aðeins hættulegri í sínum aðgerðum en hvorugu liði tókst að bæta marki við í venjulegum leiktíma.
Það var ekki fyrr en í uppbótartíma sem heimamönnum í Leicester tókst að stela stigunum þremur með dramatísku sigurmarki. Þar var Issahaku Fatawu á ferðinni, hann skoraði með mögnuðu viðstöðulausu skoti eftir fyrirgjöf frá Stephy Mavididi.
Fatawu skoraði sigurmarkið dramatíska aðeins nokkrum mínútum fyrir lokaflautið svo lokatölur urðu 2-1.
Leicester er um miðja deild með 37 stig eftir 26 umferðir, fjórum stigum en þó heilum sex sætum frá umspilssæti.
West Brom er með 31 stig, sjö stigum fyrir ofan fallsvæðið.
Athugasemdir
