Svíþjóð 1 - 0 Slóvakía
1-0 Emil Forsberg ('77 , víti)
1-0 Emil Forsberg ('77 , víti)
Svíþjóð vann ansi mikilvægan sigur gegn Slóvakíu er liðin áttust við í fyrsta leik dagsins á Evrópumótinu.
Svíar eru svo gott sem komnir áfram eftir sigurinn. Þeir gerðu jafntefli við Spán í fyrsta leik sínum á meðan Slóvakar unnu óvæntan sigur á Póllandi.
Fyrri hálfleikurinn var frekar bragðdaufur og í raun aðeins fyrir fótboltanörda - ef svo má segja - að finna eitthvað jákvætt úr honum.
Svíar mættu mjög áræðnir í seinni hálfleikinn og þeir voru óheppnir að ná ekki forystunni fyrr en þeir gerðu. Martin Dubravka var frábær í marki Slóvakíu. Á 77. mínútu tókst Svíum loksins að finna leiðina fram hjá Dubravka en þá skoraði Emil Forsberg af vítapunktinum.
Slóvakar náðu ekki að svara og lokatölur 1-0 fyrir Svíþjóð sem er með fjögur stig á toppi riðilsins. Fjögur stig ættu að vera nóg fyrir Svía til að fara áfram í 16-liða úrslit en það kemur betur í ljós á næstu dögum hvort það dugi. Þeir mæta Pólverjum í lokaumferð riðilsins.
Slóvakar eru með þrjú stig og þeir þurfa líklega stig gegn Spáni til að komast áfram. Þrjú stig gætu mögulega fleytt þeim áfram samt.
Aðrir leikir dagsins:
EM 2020: Riðill D
16:00 Króatía - Tékkland
19:00 England - Skotland
Martin Dúbravka 🇸🇰 🆚 🇸🇪 Ludwig Augustinsson 🤯
— Stöð 2 Sport (@St2Sport) June 18, 2021
Má færa rök fyrir því að þetta sé markvarsla mótsins til þessa! 🔝 pic.twitter.com/Lynb8e1h8l
Athugasemdir