Tíu til að fylgjast með á Copa America

Tyler Adams, miðjumaður Bandaríkjanna - Christian Pulisic er stjarna bandaríska liðsins en Adams á að setja tóninn á miðsvæðinu.

Salomón Rondón, framherji Venesúela - Varstu búinn að gleyma þessum? Þessi 34 ára reynslubolti hefur verið funheitur með Pachuca í Mexíkó og iðinn við markaskorun.

Endrick, framherji Brasilíu - Þessi sautján ára leikmaður er á leið til Real Madrid. Þetta spennandi undrabarn verður í sviðsljósinu á sínu fyrsta stórmóti.

Ismaël Koné, miðjumaður Kanada - Þessi leikmaður Watford er algjör lykilhlekkur á miðsvæði Kanada.

Manfred Ugalde, framherji Kosta Ríka - Þessi 22 ára sóknarmaður Spartak Moskvu er sagður nýja stjarnan hjá Kosta Ríka.

Igor Lichnovsky, varnarmaður Síle - Þessi skrautlegi þrítugi miðvörður er skemmtilegur karakter. Hefur orðið mexíkóskur meistari tvö ár í röð.

Nicolás de la Cruz, sóknarmiðjumaður Úrúgvæ - Ekki eins þekktur og Darwin Núñez, Luis Suárez eða Federico Valverde en þessi leikmaður Flamengo er í miklum metum í Suður-Ameríku og er lykilmaður Flamengo.

Piero Hincapié, bakvörður Ekvador - Vanur því að taka virkan þátt í sóknarleiknum sem leikmaður Þýskalandsmeistara Bayer Leverkusen.

Giovani Lo Celso, miðjumaður Argentínu - Snýr aftur í lið ríkjandi meistara eftir að meiðsli eyðilögðu fyrir honum á HM í Katar.

Jhon Arias, sóknarmaður Kólumbíu - West Ham er meðal evrópskra félaga sem hafa áhuga á þessum 26 ára leikmanni Fluminense. Hefur skorað í þremur síðustu landsleikjum.