ÍR og Keflavík mætast í undanúrslitum í dag
ÍR og Keflavík mætast í undanúrslitum í umspili um sæti í Bestu deild karla í dag. Leikurinn hefst klukkan 16:45 og fer fram á ÍR-vellinum í Skógarseli.
ÍR-ingar hafa komið hvað mest á óvart í Lengjudeildinni á þessu tímabili.
Liðið er nýliði í deildinni eftir að hafa hafnað í öðru sæti 2. deildar á síðasta ári, en það tryggði sér farseðilinn í umspilið í lokaumferð Lengjudeildarinnar.
ÍR hefur aðeins einu sinni spilað í efstu deild, árið 1998, en liðið féll beint niður aftur með aðeins 17 stig.
Keflavík kemur inn í einvígið með gríðarlegt sjálftraust eftir að hafa pakkað Fjölni saman, 4-0, í lokaumferðinni. Keflavík hafnaði í öðru sæti.
Keflvíkingar eru að eygja von um að komast beint upp eftir að hafa fallið úr Bestu deildinni í fyrra.
Sigurvegarinn úr þessari viðureign mætir Aftureldingu eða Fjölni í úrslitum.
Leikur dagsins:
Lengjudeild karla - Umspil
16:45 ÍR-Keflavík (ÍR-völlur)
Athugasemdir
