Hinn 22 ára gamli Adarabioyo hefur verið hjá félaginu frá því hann var fimm ára gamall. Hann hefur ekki enn spilað leik í ensku úrvalsdeildinni fyrir félagið.

Hann var á síðasta tímabili á láni hjá West Brom í Championship-deildinni og er núna hjá Blackburn í sömu deild.

Það eru næstum því tvö ár síðan hann lék síðast leik fyrir Manchester City, en hann er þrátt fyrir það ekki búinn að gefa upp vonina á að ná árangri með félaginu.

„Eftir fimm ár þá vil ég vera fyrirliði Manchester City, og vera búinn að vinna ensku úrvalsdeildina og Meistaradeildina," sagði Adarabioyo við Guardian og bætti við: „Það getur klárlega gerst."

„Markmið mitt hefur alltaf verið að komast að hjá City og vera byrjunarliðsmaður þar."