Bayer Leverkusen átti ekki í miklum vandræðum með Paderborn þegar liðin mættust í síðari leik dagsins í þýsku úrvalsdeildinni.

Kevin Volland skoraði tvö mörk með stuttu millibili snemma leiks og gerði Julian Baumgartlinger þriðja markið fyrir leikhlé. Staðan í hálfleik var 3-0.

Paderborn minnkaði muninn snemma í seinni hálfleik, en lengra komust þeir ekki. Kai Havertz skoraði fjórða mark Leverkusen þegar stundarfjórðungur var eftir af venjulegum leiktíma.

Samúel Kári Friðjónsson samdi við Paderborn í gær, en hann var ekki með í dag.

Leverkusen er í sjötta sæti deildarinnar með 31 stig, en á botni deildarinnar er Paderborn með 12 stig úr 18 leikjum.

Önnur úrslit:
Þýskaland: Bayern skoraði fjögur í Berlín