Enskir fjölmiðlar eins og Telegraph og The Athletic greina frá því í dag að Tottenham sé búið að reka knattspyrnustjórann Jose Mourinho úr starfi.
Mourinho tók við Tottenham af Mauricio Pochettino í nóvember árið 2019. Tottenham byrjaði núverandi tímabil vel og sat meðal annars á toppnum um tíma fyrir áramót.
Eftir áramót hefur hallað undan fæti en eftir 2-2 jafntefli gegn Everton á föstudaginn er liðið í 7. sæti, fimm stigum frá Meistaradeildarsæti.
Tímasetningin á brottrekstrinum er áhugaverð en Tottenham mætir Manchester City í úrslitaleik enska deildabikarsins næstkomandi sunnudag.
Telegraph segir að Ryan Mason og Chris Powell muni stýra Tottenham á sunnudaginn og út tímabilið.
Athugasemdir