Brynjar Kristmundsson, aðstoðarþjálfari Víkings Ó. í Lengjudeildinni, var eins og gefur að skilja súr á svip eftir 3-0 tap liðsins gegn Vestra í dag.

Lestu um leikinn: Víkingur Ó. 0 -  3 Vestri

Víkingur hefur ekki enn unnið leik í deildinni og er með 1 stig eftir fyrstu sjö leikina.

Liðið lenti 1-0 undir í dag en kom með kraft í leikinn eftir markið áður en Vestri náði að refsa aftur.

Það eru erfiðir tímar hjá Víkingum en Brynjar segir að færanýtingin hafi ekki verið góð og að liðið þurfi að þora að byrja af krafti, ekki þegar liðin eru komin með væna forystu.

„Já, við enduðum leikinn allt í góðu en það er búið að vera alltof oft í sumar þar sem við treystum okkur í að byrja að spila leikina þegar við erum 2-0 eða 3-0 undir og höfum engu að tapa," sagði Brynjar við Fótbolta.net.

„Eins og ég segi þá er þetta sagan hjá okkur í sumar. Ég veit ekki hvað við fáum mörg færi í leik og náum ekki að nýta þau. Þetta er ekki góð blanda," sagði hann í lokin.

Tweet

Senda a Facebook Hafdu samband Senda frétt Prenta frétt Frétta leit