20.07.24 - 18:02
Brynjar Ingi Erluson
Lengjudeildin: Þróttarar sóttu þrjú stig til Akureyrar
Vilhjálmur Kaldal gerði sigurmarkið tuttugu mínútum fyrir leikslok
Mynd: Fótbolti.net - Hafliði Breiðfjörð
Vilhjálmur Kaldal gerði sigurmarkið tuttugu mínútum fyrir leikslok
Mynd: Fótbolti.net - Hafliði Breiðfjörð
Þróttur R. vann Þór, 1-0, í 13. umferð Lengjudeildar karla á VÍS-vellinum í dag.
Fyrri hálfleikurinn var tíðindalítill. Fá upplögð marktækifæri. Rafael Victor átti fyrsta skot á mark á 22. mínútu en það fór beint á Þórhall Ísak Guðmundsson í markinu.
Auðunn Ingi Valtýsson, markvörður Þórs, gerði stuttu síðar mistök er hann setti boltann beint á Vilhjálm Kaldal Sigurðsson, leikmann Þróttar. Auðunn náði þó að bjarga sér með góðri vörslu.
Vilhjálmur gerði sigurmark Þróttara á 70. mínútu leiksins er hann náði að koma sér í góða skotstöðu og setja boltann í nærhornið. Þriðja mark Vilhjálms í sumar.
Þessi sigur gestanna kemur liðinu upp í 5. sæti deildarinnar með 18 stig en Þór nú í 7. sæti með 17 stig.
Fyrri hálfleikurinn var tíðindalítill. Fá upplögð marktækifæri. Rafael Victor átti fyrsta skot á mark á 22. mínútu en það fór beint á Þórhall Ísak Guðmundsson í markinu.
Auðunn Ingi Valtýsson, markvörður Þórs, gerði stuttu síðar mistök er hann setti boltann beint á Vilhjálm Kaldal Sigurðsson, leikmann Þróttar. Auðunn náði þó að bjarga sér með góðri vörslu.
Vilhjálmur gerði sigurmark Þróttara á 70. mínútu leiksins er hann náði að koma sér í góða skotstöðu og setja boltann í nærhornið. Þriðja mark Vilhjálms í sumar.
Þessi sigur gestanna kemur liðinu upp í 5. sæti deildarinnar með 18 stig en Þór nú í 7. sæti með 17 stig.
