Ingvar í leik með Víking Ólafsvík í sumar.
„Þetta var rosalegt. Veit ekki hvað ég á að sega. Við áttum stúkuna gjörsamlega í dag á Seltjarnarnesinu. Við gerum það bara næstu helgi líka.“ sagði Ingvar Freyr Þorsteinsson, fyrirliði Víkings Ólafsvíkur, eftir sigur í vítaspyrnukeppni gegn Gróttu í undanúrslitum Fótbolta.net bikarsins í dag.
Lestu um leikinn: Grótta 6 - 7 Víkingur Ó.
Ólsarar fjölmenntu að vestan mjög vel í dag og það heyrðist vel í þeim.
„Þetta gerði helling. Þetta var klárlega tólfti maðurinn í dag. Sérstaklega þegar maður spilar í 120 mínútur að þau héldu áfram allan tímann, þetta var rosalegt.“
Hvernig leið mönnum í leiknum sem hafði einhvernveginn allt.
„Mér fannst við loka vel á þetta í lokin. Svo settu þeir mark á lokamínútunum sem var verðskuldað eða ekki verðskuldað? Í framlengingunni sóttu þeir grimmar og það var kannski smá heppni með okkur þar.“
Hvernig var tilfinningin í vítaspyrnukeppninni?
„Þetta var helvítis stress, en ég vissi alltaf að Jón Kristinn markmaður var alltaf að fara að bjarga þessu.“
Næst er það úrslitaleikurinn sjálfur á Laugardalsvelli þar sem Ólsarar mæta Tindastól á föstudaginn.
„Miðað við stúkuna þeirra í gær og stúkuna okkar í dag verður þetta einhver helvítis veisla næstu helgi. Þetta verður bara hörkuleikur. Tvö landsbyggðarlið að mætast, gerist ekki skemmtilegra.“ sagði Ingvar að lokum.
Viðtalið við Ingvar má sjá í heild sinni í spilaranum hér að ofan.
Athugasemdir
